Er hamingjan í garðinum heima?

í gær var " la fete de la musique" . Tónlistarhátíðin, sem er haldin í hverju krummaskuði í Frakkland á lengsta degi ársins. Ég bauð fjölskyldunni að halda þessa hátið í stærsta krummaskuði nágrennisins, þ.e.a.s. í  Montpellier. Nei; en drengnum finnst Montpellier leiðinleg borg (sennilega af því að í Montpellier fara mamma og systir í búðir) . Stelpunni fannst það ómögulegt enda búin að mæla sér mót við vinina í Grabel city.

Jæja, því var haldið eins og fyrri ár í litla miðbæinn fyrir framan litlu kirkjuna og borðað krækling og franskar eins og venjulega, rætt við  gamla og nýja nágranna í betra tómi en hér fyrir framan húsið, pabba og mömmur kunningja og vini barnanna okkar sem eru reyndar margir hverjir okkar líka. Horft á ungdóminn og hina eldri líka á barnum (NB ungdómurinn í Grabels er er ekki á barnum)

Þetta var bara nokkuð góð skemmtun, alla vega ég kom ánægð heim eftir a hitt margt gott fólk og William líka sem hitti gamla kunningja.

Stundum vill maður leita langt yfir skammt, en eftir á að hyggja, er hamingjan í garðinum heima?

 Ef þið hafið tækifæri til þá ættuð þið að sjá myndina "le bonheur est dans le pres" eða hamingjan er er í sveitinnini" með Eric og Joel Cantona og fleirum. Yndisleg mynd, skemmtileg og líka smá fyndin sem fær mann að spá í hvort hamingja sé bara ekki rétt handan við hornið.

Kanski þarf maður bara að opna aðeins augun og gefa sér tíma til að sjá hana?

Athugasemdir

[Kristín B. (IP-tala skráð) 23.6.2008 kl. 14:16]

Hamingjuna er sko að finna í garðinum heima! 17. júní var haldinn hátíðlegur hér í garðinum, sól og blíða, flaggað, rabarbarapæ úr eigin garði, gestir sem týndust að héðan og þaðan. Gæti ekki verið betra Til hamingju með Taekvondo gæjann

[Kristín aftur (IP-tala skráð) 23.6.2008 kl. 22:11]

Og var þetta ekki líka niðurstaðan hans Steinars undir Steinahlíðum!

[Björg Sigurðardóttir, 25.6.2008 kl. 07:31]

Heyr heyr, mín kæra. Takk fyrir kveðjuna og kossar til ykkar allra. Frábært að heyra að hamingjan sé í garðinum ykkar líka.